تجربتي مع فير واستريتر جوسي ايبر + طريقة شعر جميلات هوليود بالخمسينات
Saturday, July 25, 2015
السلام عليكم ورحمة الله وبركاتة
واخيراً تدوينة جديدة تدوينة اليوم مثل مو بالعنوان تجربتي مع اجهزة جوسي ايبر للشعر ولوك للجميلات هوليود زمان بالخمسينات والستينات ،
معروف عن منتجات جوسي ايبر انها ذات جودة عالية وعليها ضمان مدى الحياة ثاني ميزة ماتحتاج وقت للتسخين بس شغليه وسوي شعرك وبعد تشتغل على ١١٠ و٢٢٠ لها الوان وتصاميم جميلة انا عندي فير مقاس 19 ملم ومقاس ٣٢ اكبر شيء واستريتر للشعر الجاف
انا اخترت اللون الفوشي للاجهزتي حبيته طبعا الاستريتر له فترة عندي للحين جودته كاني توي اشتريته تصميمه بسيط له زر واحد ماله درجات حراره بس حرارته تناسبني وتصميمه مثل ماقلت مره بسيط وعملي وفيه معينات مثل الصورة احس اضافت شكل جميل للستريتر .. طيب هل ناسبني؟!
انا شعري طبيعته ويفي بعد الشور اخليه ينشف طبيعي وبعدها استخدمه مره حلو يصير شعرك مره ناعم وبشكل جميل مو واقف وواضح انك استخدمتي استريتر مثل الخشبه هههههههههههههه انا عني مره حبيته واهم شيء الخصلة تكون 3 سم تقريباً للنتيجة افضل
من الاشياء الجميلة ان السلك يدور 360 درجة يعني وانتي تشتغلين مافي اي معناه مع السلك انه يلف خصوصاً مع الفير مره مريح
تشغيله بسيط كل اللي عليك تضغطين الزر وعلى طول تبدين تسوين شعرك وبالنسبه للفيش الافياش ثلاثيه يعني مره امن
فير مقاس 19 يعطيك لوك ناعم وتموجات صغيرة يعني متماسك مره جميل للشعر المتوسط والقصير ..
فير مقاس 32 اكبر مقاس يعطيك تموجات واسعه وكبيره ينفع للوك خمسينات هوليود شيء خطيييير
طبعا الفير مافيه الشيء اللي يمسك الشعر بدل عنه له قلفز انا احب هذي الطريقة اكثر من الفير اللي فيه هذاك الشيء يسمح لي اتحكم بطريقة اللف والاجزاء الصغيرة بس لازم تكونين حذرة من الحروق ومركزة وانتي تشتغلي
نجي للوك الجميل نحتاج له فير مقاس 32 وبنس و سيروم عشان يحمي شعرك من الاضرار وانا استخدم زيت الارغان من ذا بودي شوب للترطيب ويعطي لمعه جميله بس شيء بسيط عشان الشعر مايدهن واذا انتي تحبي الاسبري استخدميه بس انا ما احب لوك الشعر مجبس
زيت الارغان من ذا بودي شوب مره جميل في ترطيب الشعر او الجسم شيء خطير وريحته مره حلوه وترطيبه لطيف ما يدبق اعتقد ان سعره 45 مو متاكدة بس مره بطل
استخدم سيروم ستايل وركس من بوتس احب ريحته للشعر واللمعه الجميله اللي يعطيها الشهر من مفضلاتي ما اتذكر بكم !!
واذا تبون مقاطع للطريقة اللوك اكثر اكتبوا باليوتيوب old hollywood hair tutorial
اذا استفدتوا واستمتعتوا بالتدوينة انشروها واسعدوني بتعليقاتكم ..
2 comments
السلام عليكم انا ناويه اشتري الفير هذا بس تعرفين بكم ومن وين في الرياض وشكراً
ReplyDeleteوعليكم السلام اسعارهم من ٣٥٠
Deleteالانستقرام:http://instagram.com/joseeberksa
موقعهم:http://www.joseeberksa.com