ماء الديتكوس"مياه التخلص من السموم" ايش يعني هو مويه بارده وبعض أنواع الفواكة والخضار الهدف منها مو ازالة الشحوم الهدف الاساسي التخلص من السموم اللي تنتج عن اكلنا المصنع والشوائب فهذا يساعد على تنظيف الجسم وبالتالي يصير البطن فلات بعد فترة من المداومة على شرب مالا يقل عن ٤ اكواب يومياً يعني المدة تقريبا اسبوع وغالباً

الرياضيين يشربونها قبل جلسات التصوير لانها تساعد على ان البطن يتسطح اكثر وتكون الصور بيرفكت بس طبعاً مع الرياضة لانها شيء اساسي :)  .. انا عني اشربها كل فترة مو دائما المهم نتكلم عن المكونات



طريقته بسيطة مره اضيفي الموية الباردة بعدين الشرائح وورق النعناع وبعدها بالثلاجة لمدة ساعة اشربيه مثل الموية العادية  يعني اعتبريه مويه بنكهة ايوه طعمه مقبول بس مو لذيذ ابدا تعرفون "موية السلطة "يشبهه اتوقع اللي تحب السلطة بتحبه "ما احب السلطة اكل كل شىء لوحده عادي بس مع بعض لا " احسه شيء خطأ لان السلطات مفيدة بس عجزت اتقبلها :(
بقولكم على بنات بالمدرسة يجبون علب voss الكبيره وطول اليوم بيدها والله تعب واشكالهم غلط بعدين مو معقول بتشربها كلها بالمدرسة ياجماعة فاهمين الموضوع غلط مو كذا نشرب موية هههههههههههههههه  اشربوا بقدر حاجتكم ولا تستهبلون : )


هذا هو البوست الاخير لشهر ديسمبر ونبدأ ٢٠١٥ بنشاط وتدوينات اكثر واجمل ان شاء الله سويت الطريقة فيديو شوفوه  واستمتعوا وايوه ارائكم عليه ابي اقراها
*الطريقة فيديو بقناتي باليوتيوب : http://www.youtube.com/watch?v=-ADGRpsNL8I&list=UUvpaaoV2bDqD9_32eXYzRAA