السلام عليكم .. كيفكم يا جميلات !!

الفازلين له بعالم البيوتي والعناية اكثر من ١٥٠ سنة وله استخدامات كثيير و نتائج مره حلوه من الطبيعي اننا راح نستخدمه كثيير واليوم بنتكلم عن اكثر الاشياء اللي احب استخدم الفازلين فيها انا احبه كثييير مايرطب الجفاف خاصة بالشتاء مثله بس كثييير بنات ما يحبونه لانه ثقيل و دبق بس مع هذا احس لازم يكون عند كل انثى لان مثل اخر صوره نشرتها انو كيف يخلي الرموش اطول واكثر وقوية ما تتنتف مع الماسكرا .. وكمان اللي حواجبها خفيفه تصير اثقل يعني احس مره مفيد




السر الاول للفازلين..

اذا كنتي حابه تكون رجولك مثل القطن احلى شيء حطي عليهم فازلين بالليل والبسي شربات ولما تصحين شوفي كيف النعومة  هذا الشيء مستحيل استغني عنه



السر الثاني
من الاشياء الحلوه سوي مرطب للشفايفكمن الفازلين و اي روج تحبين لونه بس حطي نقطتين من المرطب  وشوية فازلين وتراا احلى مرطب للشفايف مره يرطب بالشتاء او اللي شفايفها جافه مثلي وتتقشر كثير


السر الثالث اللي شاركتكم فيه والهمني اكتب هذي التدوينه ..

كيف تعتنين برموشك وتغذينها لاننا نستخدم لها ماسكرا كثير من الطبيعي تضعف وتقل كثافتها وممكن نكون استخدمنا نوع ماسكرا سيئة مثل ما صار لي بديت ادور عن روتين عناية لهم لقيت ان الفازلين يستخدم كسيروم للرموش ومره نتيجته بطله..  طريقة استخدامه للرموش خذي فازلين برأس الاصبع وحطي على خط الرموش العلوي كانك تدلكينهم بعده حطي على رموشك فازلين مثل لما تحطين ماسكرا ونفس الشيء لخط الرموش السفلي مثل اليوتيوبر بالصوره  ..سوي هذا الروتين كل يوم بالليل قبل النوم بالليل لمدة شهر وشوفي النتيجه والفرق كيف !!



فيه سؤال كثير يسؤلون عنه الفازلين يسمر  ؟!!
اذا استخدمتيه بالنهار وبدون واقي ايوه يسمر بس روتين عنايتي مع الفازلين ليلي  احب استخدمه قبل انام وما سمرني ابداً 


للفازلين بالبيوتي استخدامات كثيير بس هذي اكثر اشياء استخدم فيها الفازلين بروتيني اليومي .. اتمنى  تكونوا استفدتوا واشوفكم بتدوينه جديدة قريب  ..