السلام عليكم ..

 مبارك الشهر ورمضان كريم


اشتقت للتدوين ولكممن زمان مانزلت تدوينات يمكن لي اكثر من شهرين بس كان عندي احداث كثير وبنزل تدوينات اكثر ان شاء الله هالفترة وتغييرات للمدونة بيكون تطوير للافضل واعادة ترتيب المهم تدوينة اليوم عن مقشر فرانك ومقشرات هوم ميد من افكاري المجنونة  ههههههههههههههههه



قرب العيد واكيد لازم نزيد في العناية والاهتمام لاننا نبي نطلع بطلة جميلة و بيرفكت وبشرة صحية فحبيت اشاركم افكار مقشرات تحمسكم وانتوا بنفسكم تقدرون تسونها يعني هوم ميد ونبدأ بمقشر فرانك ,


مقشر فرانك الهوم ميد يعني هو محكاة للمقشر فرانك بس من صنعك وبسيط أكثر ..
من النتائج اللي يسويها المقشر يخفف السيلوليت ويشيل خلايا الجلد الميتة ويرطب البشرة يخليها مره ناعمة مثل البيبي والاجمل ريحته قهوة تركية "تشوك قوزال"



مكونات المقشر ثلاثة اشياء بس قهوة تركية و زيت للبشرة اي نوع ممكن تستخدمينه لكن انا افضل زيت اللوز ريحته خفيفة واحبه حتى ممكن تستخدمينه للاظافر يرطبها وما تتكسر و المكون الاخير السكر الناعم انا افضل الناعم لان حبيباته صغيره وتقشر بشكل مره جميل  ..

اخلطيهم مع بعض الكميات بالتقريب اهم شيء يعطيك قوام المقشر المعروف

 انا سويت ٣ الوان وممكن تبدعون بالالوان باستيل او ممكن تحطونها بعلبة طبقات بس اكثر لون مفيد الاحمر طبعا مكوناته سكر ناعم وزيت لوز وملونات طعام بس 

اشوفكم قريب  ...