رياضة،صحة

البوست باين من عنوانه جسم باربي او الجسم المثالي مافي بنت ماتبي يكون جسمها حلو وبشرتها وصحتها عشان كذا لازم نهتم برياضتنا وبنتكلم عنها اليوم ، وكمان يييييه بشاركم اجمل برنامج اتبعته ، المدربه تجنن حبيت شخصيتها طموحها (شوفوا لها مقطع قصتها جميييل ) ورياضتها اجمل هدفنا ههههههههههه =)

blogilat

الجميل في برنامجها يحتوي على تمارين يوغا وكارديو ودانس وغيرها وتمارينها تشمل كل الجسم الاحلى مدة تمارينها قصيرة يعني حتى لو ما عندك الا ٥ دقايق يمديك تسوين اكوس تمرين هههههههههه طبعا التكنيك اللي تتبعه مقاطع فيديو باليوتيوب كل مقطع عبارة عن تمرين وكل يوم فيه عدة تمارين وطبعا اتوقع كثيير يعرفونها لانها جدا مشهوره اسمها "كاسي هو" وعندها مدونة وقناة باليوتيوب رابط قناتها blogiltes من أكثر الشخصيات اللي حبيتهم تدخل القلب ♥♥♥


طبعا بالبداية لازم تسوين جدول المبتدئين بعدها تنزل كل شهر جدول اول اسبوع سويت تمارينها مره تحمست والاسبوع
الثاني ولا سحبت على اي يوم بس اخر الثالث تكاسلت ويلا خلصت الرابع فيني طبع اتوقع ما سويت ولا برنامج جدوله كامل بدون اجازات هههههههههههه المهم تحمست ببداية نوفمبر  ونزلت الجدول بس اول شيء ما عرفت اسجل بمدونتها تنحت راحت علي ٣ ايام :( لما شفت مقاطعها الجديدة تجدد نشاطي وتحمست والحين صرت بالاسبوع الثالث ييييه جدولها لشهر نوفمبر اجمل بكثير من المبتدئين وترا مافيه اي يوم اجازه بس لاحظت يوم الجمعه خفيف بينما الاول مقاطعه اقل وفيه رست يعني دلع بالنسبه للنوفمبر  بس مقاطعها كل واحد اجمل من الثاني يعني مو ممله اذا كسلتي حاولي تجيبين لك شيء يحمسك مثلا سجاده يوغا جديدة وانتطري مقطعها الجديد اكيد بيكون فيه شيء ممتع

حبيت اقول للي ما سوا من قبل رياضة ترا بتحسون بالم طبيعي في العضلات من يومين لثلاثه لاتخافون وتستسلمون وتسحبون اوكي ترا بس البداية وتذكروا اجمل شعور لما تشطبين اليوم اللي خلصتيه انجاز

افضل قبل تبدون تشترون يوغا مات انا كنت اسوي بدونها بس لما جربتها مره اريح واحسن فيه شغله يعني حسيتها الشيء الوحيد اللي يتعب ان المقاطع مشتته يعني لازم تكتبين اسم كل مقطع  وتسوين سيرش باليوتيوب .

صحة،جمال،جسم،باربي

من تجربتي لي معها الحين شهرين الا اسبوع تقريبا صراحه شدت جسمي وعضلاتي صارت قويه المرونه زادت وشكل جسمي صار مره اجمل بقول لكم شغله ترا وزنك ما راح يتغير بس بجد تحسين بفرق بالشكل يصير جسمك بدون كرش واشياء بايخه يعني بيرفكت انا وزني مثالي للطولي بس كنت احس فيه شيء ناقص الحين وصلت لمرحلة رضا عن جسمي فاستمروا وراح توصلون لجسم باربي.