سنفره،سويديه،فرشاه،جافه،عناية،بشره،جمال

كثييييير بنات يهتموا في وجههم ويسوا له روتين ومقشرات وترطيب وباقي جسمك كيف اعتنيتي فيه ؟

الحمام الجاف ايش يعني ؟! ايش يسوي كيف اهتم في بشرتي؟ هذي اسئله تخطر على بالنا كثيير وتدوينة اليوم طريقتي بعنايتي ببشرتي،


ما ننسى ان الجلد اكبر عضو في جسمنا واكيد يحتاج لعنايه واهتمام عشان يكون نضر وصحي وبطبيعتنا نهتم في الجانب الجمالي وبالمقابل لازم نهتم بالجانب الصحي اذا اضفتي الحمام الجاف لروتينك راح تهتمين في بشرتك من الناحيتين الجماليه والصحية بخطوه بسيطة المعروف عن الحمام الجاف فائده وحده تقريبا اللي هيه تكسير السولولايت بينما له ٧ فوائد ، وكلنا نعرف ان البشره تتجدد وتترك خلايا الجلد الميته والسموم اللي يوميا تنتج واذا ما تخلصنا من هذي الفضلات ما يكون اداء جسمنا بالكفاءة المطلوبه فالفرشاه الجافه ما تخلصنا من هذي الاشياء وبس لا تتخلص من الفضلات الداخلية بتحفيز الجهاز اللمفاوي وبعد تنشط الدورة الدموية واذا تنشطت نتخلص من خلايا الجلد الميته وتساعد على تجدد الخلايا ونتخلص من السولولايت وبعد بتقشر لنا جلدنا واكيد راح تصير بشرتنا سوبر سموث ناعمه وصافيه ومن فوائده بعد يساعد على تحسين الهضم ويزيد النشاط وحتى لو كنتي متوتره يخفف حدة التوتر في العضلات وفي عقلك
بعد كل هذي الفوائد نتعلم الطريقة الصح للفرشاة الجسم

سنفره،سويديه،فرشاه،جافه،عناية،بشره،جمال

الطريقة تدليك الجسم باتجاه القلب نبدأ من باطن القدم ومن فوق القدم وبعدها الساقين  كلها باتجاه مستقيم للفوق للقلب وبعدين بشكل دائري للفخوذ ونكمل وكفوف اليدين لاتنسوها نستثني الاماكن الحساسه مثل الوجه وغيره والدوالي نستثنيها واي منطقة ممكن تحسس
طبعا الضغط وقت التدليك بخفه يكون لون الجسم وردي مو احمر ابدا  ، ممكن تحسي بدغدغة بس بتتعودين =) ههههههههه


صوره توضح اتجاه الفرشاه للقلب

سنفره،سويديه،فرشاه،جافه،عناية،بشره،جمال

هذا هو شكل الفرشاة مو ناعمة ولا خشنه لدرجة تكون قاسية ويفضل تكون بعصا عشان توصلي للظهر بسهوله فرشاتي من ذا بودي شوب بحدود ٧٠ ومتوفرة بصيدلية بوتس ب٢٨ بلاستيك