Hi girls 

تدوينة هذا الاسبوع بتكون عن الفرش  انا احب ارتب فرشي بعلب قزاز احس تكون واضحة وشكلها مرتب ونظيف 

العلبة اللي استخدمتها علبة شمعة خلص فتيلها فنظفتها من الشمع واستغليتها طريقة تنظيفها مره سهله اخذت سكين ومشيت على الاطراف وعلى طول طلع الشمع كله بعدها غسلتها وتركتها تنشف وصارت  جاهزة للإستخدام ، بالنسبة لايش

كيف تنظفين فرش المكياج بـ ١٠ ريال !!     ايوه هذا هو المنظف السحري ههههههههههههههههههههه شامبو الاطفال بس من جد ينظف وتجلس الفرش ناعمة ما تتغير ، طبعا الفرش اللي تستخدمينها على طول او يوميا لازم تغسلينها كل اسبوع عشان ما تكون بيت للبكتيريا وتخرب بشرتك او يطلع لك حبوب وغيرها من المشاكل اهتموا بنظافة الفرش !! 

طريقتي لتنظيف الفرش احط شوية شامبو بيدي واغمس الفرشة فيه شوي بعدين افركها بنفس اتجاه الشعرات او امسحها على يدي لين تنظف زين وممكن تغسلينها وتعيدين نفس التكتيك لين تنظف كويس ونعيما للفرش هههههههههه

هذي الصوره مقارنة للفرشة قبل وبعد 

الطريقة الافضل لتنشيف الفرش تلفين المنشفة رول وتخلينها مثل الصورة عشان ما يخرب صمغ الفرش او فيه استاند للفرش يسوي نفس الوظيفة مررره حلو   

- الحين ريفيو فرش ريل تكنيك صراحة كلمة بطللله قليلة بحقها مررره جميلة حبيتهم حبيت كل فرشة فيهم سواء مجموعة الوجة او العين كلها احس نفعتني ويبين المكياج مره نظيف ومرتب والفرش ناعمه ولا يطيح شعرها اكبر فرشة استخدمها للبلشر و الانحف احبها للكنتور البودره والثالثة حبيتها للكونسيلر او البي بي كريم توزع كميه مناسبه بس تخطط بس بعدها ادمجها بالاسفنجة حقت ريل تكنيك واحب النتيجة وممكن للكونتور الكريمي يعني احبها للاشياء اللي حتندمج بعدين هيه تساعدني بالتوزيع  والصغيرة مرره من هذي المجموعة استخدمها للكونسيلر حولين الشفايف مره صغيرة وتقدرين تتحكمين فيها 

اما مجموعة العيون الفرشة المشطوفة حبيتها للبودرة الحواجب والدائرية الدوبا للدمج الظل من زاوية العين الخارجية مره احب تأثيرها والنحيفة الطويله هههههههه ما قررت لايش استخدمها بس احس لما ترسمين خط رموش حلوه لانها مره نحيفة 

الفرشة المسطحة نوعا ما احبها للجفن المتحرك لما احط لون واحد والاخيرة حلوه للكحل او الشدو تحت العين مره بطله 

طريقتي في استخدام الفرش استخدمتها على حسب حاجتي ممكن ما تكون لهذا الشيء بس انا حبيتهم كذا ههههههههههههههههههه 

وهذي تدوينة اليوم اذا حبيتووها واستفدتوا سوا لها شير - نشر- واللي تطبق فكرة عجبتها او تغسل فرشها تسوي لي تاق واحبكم  

تشاو