تدوينة اليوم بتكون عن سلسلة     lips_Series_ghadir#  وبتكلم عن حيل واشياء بسيطة تخلي شكل الروج اجمل 

من اول الحيل اللي بتكلم عنها هي لون الروج اذا كان فاتح راح يعطي شفايفك حجم اكبر واذا كان غامق راح يعطيك حجم اصغر يعني العكس لما تختارين الوان ارواجك انتبهي للالوان .. طيب مثلا ابي احط روج احمر وما ابي شفايفي تبين صغيرة  هنا الحل في تحديد الشفايف وكنتور الشفايف !!




من طرق كنتور الشفايف اللي افضلها اول شيء تحددين اطراف الشفايف بالكونسيلر وممكن كل الشفايف وتدمجينه بعدها استخدمي محدد بنفس درجة الروج او قريب منه وحددي الشفايف كامله وارسمي شفايفك واذا تبين تكبرينها ارسمي بالنص من فوق وتحت بس الزوايا لا تزيدينها ابدا يطلع فمك فم سمكة 
بعدها استخدمي فرشة عشان تدمجين المحدد زين وبعدها استخدمي الروج وانا افضل لو تستخدمون فرشة للروج بعد يطلع ارتب .. بعده استخدمي منديل وحطيه على الشفايف وبفرشة كبيره مثل كابوكي مثلا او فرشة البودره على المناديل يطلع لك الروج الزايد و تضمنين ثبات الروج مده اطوووول  ممكن تضيفين روج وتكررين الحركة
واذا تبين تكبرينها اكثر ممكن تستخدمين روج فاتح او كونسيلر بنص الشفايف 



ومن الحيل اللي ابي اشاركم فيها هي كيف تخلين الروج القلوسي او اللي فيه لمعه مطفي ؟!!
حيله جدا بسيطة وتعطيك فرصة تستفيدين من ارواجك وتتحكمين بالمعه كل اللي تحتاجينه بودره بعد ما تحطين الروج تطبطبين على الروج ويصير مات yay 
البودره اللي استخدمها من make up forever HD powder مره حلوه وتعطيك  ملمس جميل للشفايف