الحين وقت التخطيط لاننا دخلنا 2015 

حبيت اشاركم الطريقة الصح في التخطيط انشاء الله تساعدكم بتحقيق اهدافكم لهذي السنة اول شيء حددي اهدافك ايوه التغييرات اللي تبيين تسوينها لهذي السنة ابي اكون افضل ابي اسوي اشياء جديدة  ابي اغير هذا .. اكتبي كل شيء  يخطر ببالك .

الخطوة الثانية صنفي كل اهدافك بالنسبة لجوانب اللي تنتمي لها مثل الجانب الثقافي مثل الكتب اللي بتقرين عنها او عددها و الديني والمالي والترفيهي ..الخ 

الخطوة الثالثة والاهم وكثيير مايهتم لها اويغفل عنها الخطة لكل هدف كيف توصلين لهدفك كيف تقسمين وقتك ومتى تقدرين تحققين هدفك وكيف ممكن تحقيقين الاهداف الكبيرة بمهام صغيرة يومية هذي الخطوة اعتبرها اهم خطوة وممكن تاخذ منك وقت اطول من باقي الخطوات بس اذا سويتيها راح توصلين لهدفك  

انتبهوا ان اهدافكم تكون واقعية مو مستحيلة عشان ما تفشل خططكم وما ننسى مع الوقت راح نصير افضل بكره افضل من اليوم 

الخطوة الرابعة تابعي خطتك وحاسبي نفسك بشكل جاد عشان تلتزمين باهدافك وتابعيها شوفي مدى تقدمك فيها وممكن تغيرين فيها لان الخطة الناجحة الخطة المرنة 

شاركوا اهدافكم لاهلكم و اصدقائكم ممكن يساعدونكم ويحمسونكم انكم توصلون لاهدافكم ✨ 

طبعاً الاهداف  ممكن بسيطة تحتاج مثلا شهر او اسبوع او سنة  لتحقيقها وتصنف ضمن الاهداف قصيرة المدى 

وفيه اهداف تحتاج سنتين لخمس وتصنف متوسطة المدى

والاكثر من خمس سنوات تعتبر طويلة المدى - غالبا ما يستخدمونها الافراد - 

من الاشياء المهمه انك تخلين اهدافك قدامك عشان ما تنسينها حاولي تكتبينها وتحطينها في الاماكن اللي دايما تجلسين فيها او تشتغلين فيها مثل مكتبك .

.

.

.

هذي طريقتي بالتخطيط يارب تستفيدون منها لو شيء بسيط وشاركوني طرقكم للتخطيط وشاركوا البوست مع اللي يحبون التخطيط 

وايوة ترا اجمل لحظة لما تنتهي السنة وتشوفي انك حققتي اهدافك لهذي السنة شعور مره جميل جميل ☺️

اول شيء سويته في اول يوم لهذي السنة اشتريت المنظم اللي بالصورة ـ حكاية مبهرة ـ اختي تسميه مُبهره هههههههههههه 

بس من جد مره جميل ومرتب حبيته يحمس تخططين فيه اقتباسات وعبارات جداً ملهمه  

واشتريت منظم لمهامي الاسبوعية مره حبيت اني قدرت اتابع فيه تقدمي واكتب الاشياء اللي ابيها وما انسى اسويها ☺️

من الاقتباسات الجميييلة  .. حتى الالوان تفتح نفسك تكتبين 

-------------------------------------------------------

المنظم : متجر آيار 

* طبعا البوست كتبته بالانستا وبعدين حسيت انه مفيد وممكن يكون مرجع فنظمته اكثر ونزلته هنا