السكراب يتكون من ٣ اشياء سكر وزيت زيتون وعسل  للشفايفهم جافة مثلي ..لو تلاحظون بالصوره انا حاطة نوعيين سكر ابيض وبني لييش ؟!! في حالة شفايفك جافة متشققة وتحتاج تقشير قوي راح تستخدمين السكر الابيض اما اذا عكس راح تستخدمين السكر البني الحين عرفتوا ليش طيب السكراب هذا معروف بس اغلب اللي قريت عنه عندهم مو واضح ليش استخدم كل شيء وايش دوره فحبيت اخليه افتتاحية السلسلة عشان لما نستخدم روج يطلع شكله جميل وما يطلع بشع مع التشققات 
العسل دوره الترطيب فاذا شفايفك مثل ما قلت جافة وحالتها مستعصية استخدميه اما اذا عادية فتكتفين بزيت الزيتون
والسكر هو الحبوب اللي تعمل على التقشير طيب ليش ما نستخدم الملح ؟!   لان الملح يجفف الشفايف يعني حتى لما تاكلين فصفص ـ ايش تسمونه اكتبوا بالكومنت ـ  مملح يأثر على نعومتها ويقشرها لو تلاحظون لو كنتوا تاكلون شيء مالح او حامض مثل عصير برتقال والشفايف متشققه لدرجة الجروح مو يحرقها زياده  هذا سبب استخدام السكر
وزيت الزيتون مرطب قوي ويساعد السكر بالحركة اللطيفة بتقشير الشفاه
طريقة المقشر اضيفي ملعقة صغيرة من السكر والزيت والعسل مع بعض واخلطيهم وبللي شفايفك بموية دافية عشان تلين وحطيهم على الشفايف وبحركة دائرية بيدك دلكي شفايفك لان التدليك اللطيف ينشط الدورة الدموية وهذا الشيء يساعد على تورد الشفايف  



متى نستخدم فرشاة الاسنان لتقشير الشفايف ؟!!
اذا كانت يدك ما ساعدتك بتقشيرها ولا اثرت في الشفايف وصارت ناعمة وهنا بنبهكم على شيء التقشير مو معناه انو تقشطين الجلد الميت وتقطعينه لا هنا انتي زدتي الطين بله غلط ابدا لا تقشرينهم بيدك اللي يتقشر بالفرشاة عادي واذا باقي مره تشققات سوي هذا المقشر كل يوم مره وشوي شوي تروح وتصير شفايفك جميلة وناعمة بس استمري
بعدها نغسل الشفايف بموية دافية مو باردة ❄️


بعد المقشر اكيد وقت الترطيب نستخدم فازلين يعتبر من افضل المرطبات للشفاه او اي مرطب تحبيه ونقدر نسوي من الفازلين وزيت الزيتون ماسك للشفايف وهذا الماسك يعمل على ترطيبها خذي نص ملعقة صغيرة من الفازلين وزيت الزيتون وتقدري تضيفي زيت اللوز اذا كانت شفايفك غامقة لانه يعمل على تفتيح الشفايف وحطيهم على الشفايف قبل النوم يرطبها ويخلي لونها فاتح 



نجي للريفيو ارواج ويت اند وايلد اشتهرت بانها تشبة اللوان ارواج ماك وجودتها حلوة وسعرها جدا جدا رخيصة بدولارين وثلاثين سنت تقريبا انا اشتريت ٤ الوان من اليسار تشيري بومب & وشوقر بلم فيري & وريد فلفيت واخر واحد واين روم | cherry bomb& sugar plum fairy & red velvet & wine room

الالوان كلها جميلة عجبتني انا اخترت الوان غامقة لان اغلب ارواجي فاتحة فحبيت اجربهم تشيري بومب غامق مره ويعطي لون على بني واحمر بس جدا جميل اللون يجي مع مكياج ناعم ولوك هادي يعطي جو بقوة وما تحسين انك باهتة من اللالوان المفضلة بالنسبة لي ١٠\١٠ 
اللي بعده ما ادري مين شوهه بس لونه على فوشي او موف مره جميييل مو قوي لونه مثل اللي قبله بس يصنف غامق بالنسبة لي
اللي بعدهم ريد فلفت احمر بس فاتح مو الداكن او القرمزي بس عني عجبني  احسه تغيير عن اللي مره مره غامق حق مصاصين الدماء  
اخر واحد وين روم لونه رايق رايق بقوة فوشي على نيود شيء مثل كذا يعتبر افتح شيء من اللي اخترتهم حبيتتتته