السلام عليكم ورحمة الله وبركاتة ..
اليوم رجعت ببوست جديد رياضي ان شاء الله يفيد كثير .. لاحظت كثير بنات مو مهتمين بتمارين اليدينو فاهمين موضوع ان البنت ما تسوي تمارين لليدين ولو سوت بتصير عضلاتها مثل الاولاد بس بقول لكم ان الاثقال اللي اوزانها صغيرة بس تشد وما تطلع عضل يعني تصير عضلات يدينك مثل نجمات هوليود ما تجلس تهتز خصوصا مثل المعلمات لاحظيهم لما يكتبون على السبورة كيف عشان هالسبب لازم تسوون ... اليوم اخترت لكم تمارين بدون اثقال للي يخافون من الاثقال اهم شيء تسون تمارين اوكي




التمارين من المدربة كاسي هو تكلمت من قبل عنها مره تجنن شخصيتها نشاطها تمارينها كل شيء الرابط للبوست http://g-alq.blogspot.com/2014/11/barbie-body.html

التمرين الاول "٦ دقائق ليدين مثيرة" 

6 min to sexy arms

التمرين الثاني "اليدين تحترق" و من جد تحترق ههههههههههه
arms on fire

تحدي الشهر من بلوق ايليتس لليدين رابط تدوينة كاسي للتفاصيل اكثر http://www.blogilates.com/blog/2015/03/30/30-day-sleek-arms-challenge/

اخترت بس تمرينين و التحدي لكن بقناتها فيه تمارين كثير بتستفيدون منها هذا كل شيء عن اليدين اليوم .




وصفة الديتوكس او المياة المنكهة اليوم مره بسيطة كل اللي تحتاجينه ٣ شرائح برتقال + ورقات نعناع وموية وخليها بالثلاجة لساعة واشربيها مره منعشة مع الجو اللي صاير حار ...
من فوائد الماء بديل للمشروبات الغازية اللي فيها كالوريز كثييييرة ويساعد على فقدان الوزن لانه يوقف احتباس السوائل ويحسسك بالشبع وحلو للي مايحبون الموية لوحدها 


انا مره سعيدة لان البوست اللي قبل عن الرياضة من اكثر المواضيع اللي حبيتوها ولها مشاهدات اكثر حلو الوعي اللي صاير والاهتمام بنفسنا استمروا بالاكل الصحي والرياضة ولاتيئسون سواء كنتوا تبون تخسرون وزن او تكسبون وزن او حتى بس تبون تصيرون اقوى او اجمل مهما كان السبب راح توصلون لهدفكم قريب بس استمروا يا جميلات